Menti við tørvi á uttanhýsis Mentori

Ein millumleiðari (ML) hevur innanhýsis avbjóðingar eitt tíðarskeið og hevur tørv á einum uttanhýsis mentori. Stovnurin ella virkið hevur ein stovns- og virkislimaskap í MentorFO. Eftir samskifti við nærmasta leiðara setir ML seg í samband við MentorFO við ynski um at byrja eina eitt ára mentorgongd. ML verður testaður við NEO PI-R og hevur ein undanfund við MentorFO (hálvan dag). Stutt eftir fær ML í boði trý mentor-evni, har hann velur eitt av teimum, sum síðani verður góðkent.

ML tekur síðani stigið at bjóða mentor á fyrsta fundin og syrgir fyri passandi hølum og onkrum til góman. Á fyrsta fundinum verður sambandið skipað og tosað verður um ”sáttmálan”, tal av fundum, longd á fundunum o.s.fr.

Í mentorgongdini verður arbeitt við innanhýsis avbjóðingunum hjá ML, og eitt samstarv teirra millum verður skipað. Í tilgongdini viðføra nýggj sjónarhorn og aðrar royndir hjá Mentor, at samstarvið flytir seg, og hetta hevur við sær eina betri handfaring og betri avgerðir. Báðir partar hava gagn av samspælinum og samstarvinum. Á næstsíðsta fundi verður avtalað, hvussu tilgongdin skal enda.

ML kann síðani ynskja síðani eina nýggja tilgongd við einum nýggjum mentori. Aðru ferð er ikki neyðugt við NEO PI-R og forfundum. ML fær skjótt trý mentor-evni í boði. Hann velur ein og aftaná at mentor hevur góðkent, byrjar ein nýggj gongd.

Ávegis í hesari tilgongdini velur ML eisini at taka lut í einum MentorFO tiltaki fyri ein lagaligan kostnað fyri limir.

→ Menti við tørvi á uttanhýsis Mentori

→ Menti í innanhýsis Mentorskrá

→ Mentor ynskir Menti