Leiðslan

Nevndin skipar eina virksemisleiðslu í MentorFO, ið hevur ábyrgd av at leiða og samskipa mentorskipanina. Nevndin hevur sett Barbaru á Tjaldrafløtti, at taka sær av virksemisleiðsluni.

Leiðslan ger eina arbeiðsskipan, sum skal taka sær av fylgjandi:

• Virka sum daglig og praktisk leiðsla av MentorFO
• Kunning um MentorFO í viðkomandi miðlum
• Heimasíðu og innanhýsis kunning
• Menning av mentorum við árligum skeiðsdøgum
• Skipa mentorar í minni MentorNetverk
• At seta saman mentor og menti
• Uppfylging og tryggja dygd
• Knýta til gransking og samstarv við aðrar partar

Nevnd og leiðsla hava felags ábyrgd av mentorskipanini og av at mentorskipanin støðugt mennist.
Skipanin inniheldur hesi evni:

• At finna rætta sparringspartin – ein mentor – til menti, so hesin kann mennast
• At skapa røttu karmarnar fyri einum læriumhvørvi, har menti saman við mentor kann granska egnar dygdir, møguleikar og ambitiónir
• At eggja bæði mentorum og mentium til at víðka sítt sjálvsinnlit við at lata tey síggja seg sjálvi úr sjónarhorninum hjá øðrum
• At geva mentorunum møguleika at menna sína leiðslu og leiðsluførleikar gjøgnum mentorleiklutin